Nuk ka zgjatur as 24 ore qëndrimi Liam Osmanit, në shtëpinë e Big Brother Vip. Ai hyri mbrëmë në spektakël, po është arrestuar brenda shtëpisë për shkak se ishte dënuar me 2 vite e 6 muaj burg për mashtrim.Policia bënë me dije se Strukturat e Forcës së Posaçme për Operacionet Speciale bënë ndalimin 44 vjeçarit, teksa ai ndodhej në shtëpinë e Realty Show.
Ka shkuar në 2 numri i personave që kanë humbur jetën nga shpërthimi që ndodhi në Lushnjë pasditen e sotme. Pas vinçierit, Landi Verçani, mësohet se ka humbur jetën edhe djali i tij 20 vjeçar i cili po transportohej drejt Traumës. Bëhet me dije se i riu ka qenë brenda vinçit kur mjeti i punës ka rënë në kontakt me rrjetin e tensionit të lartë elektrik. Kujtojmë se një shpërthim i fuqishëm ndodhi rreth orës 16:05 në vendin e quajtur "Rrethrrotullimi i Plasmasit", në një kapanon në ndërtim në qytetin e Lushnjes.
Një avokat që përfaqësonte politikanin e ndjerë të opozitës Alexei Navalny dhe shoqëroi nënën e tij javën e kaluar u arrestua në Moskë, thanë mediat ruse. Vasily Dubkov dhe avokatë të tjerë të Navalny ndihmuan nënën e tij të lobonte për lirimin e trupit të djalit të saj derisa autoritetet më në fund e dorëzuan atë më 24 shkurt. Faqja e lajmeve Novaya Gazeta Europa raportoi se Dubkov u arrestua në Moskë me akuza administrative për sjellje të çrregullt. Ai është dërguar në stacionin e policisë së qarkut Schcherbinksky të Moskës. Tre nga avokatët e Navalny u burgosën në tetor 2023 me akuza në lidhje me ndalimin e grupeve të kritikut të Kremlinit si “ekstremiste”.
Në vazhdë të aktiviteteve të mbajtura me rastin e 80-vjetorit të masakrave ndaj shqiptarëve të Çamërisë, shoqata “Çamëria” ndalet këtë fillim jave tek arbëreshët e Greqisë. I sjell në vëmendje përmes botimit “Arvanitët, themeluesit e Greqisë së re” që studiuesi Arben Llalla ka shkruar.“Libri i Llallës flet me fakte, na e tregon ndryshe historinë e rreme greke, se shqiptarët arbëreshë, arban, çamët etj., janë vendas të vjetër, dhe në Greqi kanë shkuar gjatë shekujve IX-XIII”, shprehet kryetari i Shoqatës Patriotike Çamëria Liljan Idrizaj.
50-vjeçari me iniciale P.Xh. është vënë në prangat e policisë pasi dyshohet se ka ngacmuar seksualisht në rrugë një 14-vjeçare në Kavajë. Arrestimi i tij erdhi pas kallëzimit të bërë nga e mitura. “Si rezultat i administrimit të menjëhershëm të kallëzimit të një të miture, se ishte ngacmuar seksualisht, në rrugë, specialistët për Hetimin e Krimeve të Komisariatit të Kavajë bënë të mundur identifikimin dhe arrestimin e autorit të dyshuar, shtetasit P. Xh., 50 vjeç, banues në fshatin Luz i Vogël”, njofton policia. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
