Zyrtarja e UNICEF-it, Tess Ingram, tha se fëmijët në Gaza janë bërë përfytyrimi i luftës në vazhdim, pasi historitë e tyre paraqesin një "pamje të tmerrshme" të pasojave njerëzore të konfliktit, raporton Anadolu.
"Fëmijët mbajnë një pjesë të madhe të plagëve të kësaj lufte", tha Specialistja e Komunikimit e UNICEF-it, Ingram, e cila u largua nga Gaza të hënën pasi kaloi dy javë atje.
Në një paralajmërim të ashpër gjatë një mbledhjeje të ministrave të Jashtëm të G7-s, shefi i politikës së Jashtme të BE-së, Josep Borrell shprehu shqetësime të mëdha për tensionet në rritje midis Izraelit dhe Iranit, duke thënë se ato e kanë çuar botën në prag të luftës, raporton Anadolu.
Duke folur për gazetarët, Borrell paralajmëroi se rrjedha aktuale e ngjarjeve mund të çojë në një konflikt të plotë rajonal me pasoja të gjera. "Unë nuk dua të ekzagjeroj, por jemi në prag të një lufte, një lufte rajonale në Lindjen e Mesme, e cila do të dërgojë valë tronditëse në pjesën tjetër të botës dhe në veçanti në Evropë. Prandaj ndalojeni", tha ai.
Meta Platforms njoftoi të hënën se platforma e saj e mediave sociale Threads do të mbyllet përkohësisht në Turqi, një vendim që kompania tha se ishte marrë në përputhje me një urdhër të përkohshëm të autoritetit turk të konkurrencës. Platforma do të pezullohet nga 29 Prilli, tha kompania në një postim në blog.
Ajo vuri në dukje se nuk do të kishte asnjë ndikim në platformat dhe shërbimet e tjera të mediave sociale të Metës, duke përfshirë Facebook, Instagram dhe WhatsApp në Turqi.
Asambleja parlamentare e Këshillit të Evropës miratoi të martën raportin për anëtarësim të Kosovës në këtë këshill.
Me 131 vota për, 29 kundër dhe 11 të paanshme, miratimi i raportit tashmë i hapë rrugën vendimit përfundimtar për anëtarësimin e Kosovës, që duhet të merret në muajin maj në Këshillin e Ministrave të 46 vendeve anëtare të organizatës.
Në fillim të seancës, raportuesja Dora Bakoyanis, u bëri thirrje të gjithë anëtarëve që të mbështesin këtë kërkesë, por ajo u kundërshtua ashpër nga përfaqësuesit e Serbisë.
Një djalë 15-vjeçar akuzohet se sulmoi peshkopin Mar Mari Emmanuel, një figurë e lartë në Kishën Ortodokse Asiriane ultra-konservatore dhe plagosi tre të tjerë gjatë një transmetimi të drejtpërdrejtë të një predikimi. Të paktën 30 persona, duke përfshirë dy oficerë policie, u plagosën kur turmat e zemëruara u mblodhën jashtë kishës në kërkim të hakmarrjes të hënën mbrëma. Chris Minns, kryeministri i Uellsit të Ri Jugor, tha se mijëra oficerë policie u vendosën në mbrojtje të organizatave dhe strukturave fetare "për të shmangur hakmarrjen ose aktet e rëndomta të dhunës".
