Fidan: Izraeli po përdor luftën në Lindjen e Mesme si pretekst për të pushtuar më shumë territore

Tuesday, 21 April 2026 08:40

• Written by /Tpz.al

Shefi i diplomacisë turke, Hakan Fidan, akuzoi sot Izraelin se po përdor luftën në Lindjen e Mesme si pretekst për të pushtuar më shumë territore.

“Izraeli nuk po kërkon të garantojë vetëm sigurinë e vet, Izraeli kërkon më shumë territore. Siguria përdoret nga qeveria e Benjamin Netanyahu si një justifikim për të pushtuar më shumë territore”, deklaroi Fidan gjatë një forumi diplomatik në Antalya, në jug të Turqisë.

Sipas tij, përveç territoreve palestineze  Rripi i Gazës, Bregu Perëndimor dhe Jerusalemi Lindor, Izraeli synon gjithashtu të shtrijë dominimin mbi zona që i përkasin Libanit dhe Sirisë.

“Ky është një pushtim dhe ekspansion i vazhdueshëm dhe duhet të ndalet”, shtoi ai duke theksuar se “Izraeli ka krijuar një iluzion në nivel ndërkombëtar duke pretenduar se kërkon vetëm sigurinë e vet”.

Këto deklarata vijnë në vijim të përplasjes së fundit verbale mes drejtuesve turq dhe izraelitë.

Fidan kishte akuzuar më herët Izraelin se dëshiron ta bëjë Turqinë “armiken e saj të re”, pasi homologu i tij izraelit, Israel Katz, e kishte cilësuar Turqinë si “tigër prej letre”.

Ministri turk shprehu gjithashtu shqetësimin se konflikti në Lindjen e Mesme po pengon përpjekjet, përfshirë ato të Ankarasë, për t’i dhënë fund luftës mes Rusisë dhe Ukrainës.

“Kjo e ka lënë në plan të dytë luftën mes Rusisë dhe Ukrainës”, u shpreh ai, duke bërë thirrje për rifillimin e përpjekjeve sapo të rikthehet qetësia në Lindjen e Mesme.

Bilanci nga lufta në Iran, mbi 2,300 të vdekur në sulmet izraelite

Tuesday, 21 April 2026 08:27

• Written by /Lapsi.al

Shifra të reja janë publikuarnga qeveria libaneze, ku thuhet se të paktën 2,387 persona kanë vdekur në sulmet izraelite në Liban që nga fillimi i marsit.

Mediat e huaja shkruajnë se, njësia e vendit për menaxhimin e rrezikut nga fatkeqësitë shtoi se 7,602 persona u plagosën gjatë së njëjtës periudhë.

Që nga e premtja, kur hyri në fuqi një armëpushim 10-ditor midis Izraelit dhe Hezbollahut, autoritetet dhe ekipet e shpëtimit kanë nxjerrë trupa nga rrënojat e ndërtesave në zonat që kanë pësuar sulme të rënda izraelite.

Horror në Britani: Çifti gay abuzoi seksualisht me foshnjën 13-muajshe deri në vdekje!

Tuesday, 21 April 2026 08:16

• Written by /JOQ

Detaje tronditëse kanë dalë në dritë gjatë gjyqit në Preston të Britanisë, ku një çift homoseksualësh akuzohen për vrasjen, abuzimin seksual dhe torturimin e një foshnje 13-muajshe. Autorët e këtij krimi makabër janë Jamie Varley, 37-vjeç, me profesion mësues, dhe partneri i tij John McGowan-Fazakerley, 32-vjeç. Çifti e kishte marrë vogëlushin Preston Davey në kujdestari në prill 2023, me qëllim adoptimin e tij.

Ndonëse fëmija u dorëzua te çifti si "plotësisht i shëndetshëm", jeta e tij u kthye në një ferr prej 120 ditësh. Ekspertiza mjeko-ligjore zbuloi afro 40 lëndime në trupin e foshnjës, përfshirë 30 mavijosje të jashtme, një frakturë në krahun e majtë dhe lëndime të tmerrshme të brendshme në gojë e qafë.

Prova më rrëqethëse e prokurorisë është një video e gjetur në telefonin e mësuesit Jamie Varley. Sipas akuzës, në ditën e vdekjes, pasi kishte abuzuar seksualisht me foshnjën duke i shkaktuar plagë të rënda të brendshme, Varley e ka filmuar fëmijën teksa ai jepte shpirt. Në video, Prestoni i vogël shihet me buzë të mavijosura dhe në arrest respirator, ndërsa mësuesi nuk bën asgjë për ta ndihmuar, por thjesht vazhdon regjistrimin.

Më 27 korrik 2023, çifti e dërgoi fëmijën pa ndjenja në spital, ku mjekët nuk arritën ta shpëtonin. Autopsia konfirmoi se shkaku i vdekjes ishte asfiksia e shkaktuar nga bllokimi i qëllimshëm i rrugëve të frymëmarrjes, ndoshta me dorë, me një leckë, ose përmes futjes së objekteve në gojën e foshnjës.

Jamie Varley përballet me akuzën e vrasjes dhe 25 akuza të tjera për abuzim seksual dhe fizik, ndërsa partneri i tij akuzohet për lejimin e vdekjes dhe dështimin për të mbrojtur fëmijën, duke marrë pjesë aktive në rrethin e abuzimit. Të dy të pandehurit i kanë mohuar akuzat, ndërsa nëna biologjike e fëmijës ndjek e tmerruar procesin në sallën e gjyqit.

Magyar: Hungaria do të ekzekutojë urdhër-arrestin ndërkombëtar për Netanyahun

Monday, 20 April 2026 21:15

• Written by Mexhis

Fituesi i zgjedhjeve parlamentare të Hungarisë, Peter Magyar ka njoftuar se vendi i tij do të ribashkohet me Gjykatën Ndërkombëtare Penale dhe do të ekzekutojë urdhër-arrestet e lëshuara nga organi i pavarur gjyqësor, përfshirë atë për kryeministrin izraelit Benjamin Netanyahu.

Kryeministri në largim Viktor Orban njoftoi vitin e kaluar se Hungaria po tërhiqej nga GJPN-ja pasi mirëpriti Netanyahun në Budapest. Ky vendim do të hynte në fuqi më 2 qershor 2026.

Pas fitores së tij, Magyar njoftoi menjëherë se Hungaria do të kthehej në GJPN. Megjithatë, sipas një raporti izraelit mbi bisedën e tij telefonike me Netanyahun, ai e ftoi atë në Budapest më 23 tetor, për 70-vjetorin e kryengritjes së vitit 1956 kundër sovjetikëve.

Kur u pyet nga një gazetar për këtë kontradiktë, Magjari sqaroi se kishte ftuar të gjithë udhëheqësit me të cilët foli në telefon.

“Nëse një vend është anëtar i GJPN-së dhe një person i kërkuar kalon nëpër territorin e tij, atëherë ai duhet të ndalohet”, tha ai pas takimit të parë të grupit të tij parlamentar.

“Nuk kam nevojë të them gjithçka në telefon. E marr si të mirëqenë që çdo kryetar shteti i njeh këto ligje”, shtoi ai.

Mayar njoftoi gjithashtu se seanca e parë e parlamentit të ri do të mbahet në fundjavën e 9-10 majit, kur ai do të betohet gjithashtu.