Numri i të vdekurve palestinezë nga sulmet e vazhdueshme izraelite në Rripin e Gazës është rritur në 17.177 që nga 7 tetori, tha sot Ministria e Shëndetësisë në enklavën e bllokuar.
“Rreth 70 për qind e viktimave janë fëmijë dhe gra”, tha zëdhënësi i ministrisë Ashraf al-Qudra në një konferencë për shtyp.
Azerbajxhani dhe Armenia ranë dakord për lirimin e ndërsjellë të të burgosurve, sipas një deklarate të përbashkët nga të dy vendet, në një hap drejt marrëveshjes së paqes.
Liderët e vendeve të G7-ës njoftuan se ka nevojë për veprim urgjent për të gjetur zgjidhje ndaj krizës humanitare që përkeqësohet dhe për të minimizuar humbjet civile në Gaza.
Në samitin e liderëve të G7 që u mbajt online nën kryesimin e Japonisë, si presidente e radhës në G7 2023, u trajtuan çështjet në rendin e ditës, përfshirë Rripin e Gazës dhe krizën Rusi-Ukrainë.
Protesta të fuqishme ka pasur mbrëmjen e sotme në qytetet e Athinës dhe Selanikut në Greqi.
Grupe protestuesish u mblodhën në këto dy qytete në përkujtim të 15-vjetorit të vrasjes së 15-vjeçarit Alexandros Grigoropoulos. Protestat përfunduan në një përleshje të ashpër me policinë greke. Në kryeqytetin helen, një grup personash dogjën kazanë mbeturinash dhe thyhen xhamat e dyqaneve.
Interpol-i ka lëshuar fletarrest për ish-nënkryetarin e Listës Serbe, Milan Radoiçiç.
Radoiçiç po ashtu është i sanksionuar nga Shtetet e Bashkuara të Amerikës dhe Britanisë së Madhe.
