Bird Strike: Pse përplasjet me shpendët janë rrezik për avionët?
Sunday, 05 January 2025 21:37
Më 29 dhjetor 2024, një Boeing 737-800 i kompanisë Jeju Air, duke ardhur nga Bangkoku dhe me destinacion Muanin, në Korenë e Jugut, u përplas gjatë uljes, duke shkaktuar 179 viktima dhe 2 të plagosur. Një nga shkaqet e mundshme të këtij aksidenti tragjik, sipas hetimeve të para, është fenomeni i quajtur “bird strike” (sulm zogjsh), përplasja e një grupi shpendësh me një nga motorët e aeroplanit.
Përplasjet midis shpendëve dhe aeroplanëve nuk janë një fenomen i ri. Ato kanë ndodhur që nga fillimi i fluturimeve, kur njeriu filloi të pushtonte një hapësirë që dikur u përkiste vetëm shpendëve. Shumica e këtyre incidenteve ndodhin gjatë fazave kritike të fluturimit, si ngritja dhe ulja, dhe kryesisht në aeroporte ose afër tyre.
