Gazeta i.zraelite: Serbia ndihmoi në furnizimin e I.zraelit me armë pas 7 tetorit, pavarësisht kritikave evropiane
Jerusalem post i ka dedikuar një artikul presidentit serb ALeksandër Vuçiç, ku nëdr të tjera e ka lavdëruar atë për ndihmën e dhënë Israelit në funizimin me armë dhe naftë. Ja çfarë shkruan ajo:
Nën udhëheqjen e Vuçiç, Serbia jo vetëm që ka thelluar lidhjet e saj diplomatike dhe ushtarake me Izraelin, por gjithashtu ka marrë një qëndrim të guximshëm kundër rritjes së antisemitizmit në Evropë në një kohë kur urrejtja ndaj hebrenjve po arrin nivele të papara që nga Holokausti.
Në një intervistë ekskluzive dhe të gjerë me The Jerusalem Post, Vuçiç reflekton mbi reagimin e shpejtë të Serbisë ndaj masakrës së 7 tetorit, marrëdhëniet serbo-izraelite dhe marrëdhënien unike historike të Izraelit me popullin hebre.
"Një figurë e shquar në politikën ballkanike, Vuçiç nuk ka frikë të sfidojë Brukselin, Berlinin apo Uashingtonin kur bëhet fjalë për sovranitetin e Serbisë dhe miqësitë e saj. Fjalët e tij mbajnë peshën e një udhëheqësi që ka lundruar në ujërat e rrezikshme të politikës post-jugosllave"- vazhdon gazeta
Pas masakrave të Hamasit më 7 tetor në Izraelin jugor, pak udhëheqës botërorë reaguan aq shpejt dhe me vendosmëri sa Vuçiç. Brenda 24 orësh, ai kishte marrë një mesazh nga Presidenti Isaac Herzog. Brenda katër ditësh, pavarësisht një labirinti burokratik të protokolleve ndërkombëtare të mbrojtjes, Vuçiç e kishte Serbinë gati për t'u përgjigjur. "Më 8, në mbrëmje, morëm një mesazh nga Izraeli. 'Na duhet kjo dhe ajo. Nuk ishim absolutisht gati, na duhet sa më shpejt të jetë e mundur,'" kujtoi Vuçiç për Post.