Edhe Lalit i paskan ngrënë kumbulla dhe dardha pas shpine

Saturday, 09 December 2023 10:31

• Written by Lapsi.al

Shkruan: Andi Bushati

Qesharakëzimi i SPAK për të goditur dallkaukët e vegjël, si mburojë ndaj të paprekshmëve tek të cilët nuk arrin dot, me sa duket do të jetë një proces i pandalshëm. Këtë dëshmon edhe lajmi i arrestimeve për inceneratorin e Tiranës, menjëherë sapo u mbyll kongresi i partisë në pushtet.

Kjo strategji e diktuar nga Edi Rama, se ai bën vepra të mira, por e tradhëtojnë ata që hanë kumbulla dhe dardha pas shpinës së tij, tashmë është kthyer në devizë të Prokurorisë së Posaçme. Ajo e shpëtoi imazhin e shefit të qeverisë nga hetimi për koncesione si ato të shëndetësisë, apo afera e inceneratorëve.
Që në daljen e Edi Ramës para komisionit hetimor të djegësve, kur ai shpalli se veprat janë të mira por faji qëndron tek vesi i disa të marrosurve pas pushtetit abuzuan, kjo parodi është shndërruar në linjë hetimore.

Read more ...

A është mirqënia që vjen prej gadishullit arabik sprovë apo begati?

Friday, 08 December 2023 09:58

• Written by Mexhlis

(Sprova e Ahlasit dhe Duhejmasë, sprova e kohëve të rehatisë.)

Shkruan: Hoxhë  Alban Gorishti

Dijetarët tanë të spikatur pohojnë se shumë prej shenjave të vogla, paralajmëruese të ditës së fundit, tashmë janë materializuar. Prej tyre kanë mbetur shumë pak akoma pa u shfaqur, ajo që me kundërthënie (nëse është materilaizuar tërësisht apo jo) përmendet si shenjë e vogël prej shenjave të ditës së fundit, është edhe Sprova e Ahlasit dhe Duhejmasë apo siç janë quajtur ndryshe sprova e kohëve të rehatisë. Faktikisht kur po lexoja disa nga shenjat e këtyre kohëve, më habiti ngjashmëria me atë që po materializohet edhe sot e kësaj dite. Gjithsesi ky artikull nuk merr përsipër të komentojë gajbin dhe as të spekullojë mbi natyrën e tij por të hedhi paralele ndërmjet koncepteve që pejgamberi shpesh përmend si ndërlidhëse të ndodhive që do të ndodhin dhe atyre kritereve që përmbushin përditshmërinë e besimtarëve. Tek e fundit sprovat shtrihen para dhe pas tyre si një zinxhir eventesh dhe nuk janë kurrsesi ndodhi të izoluara brenda një hapësire të caktuar.

Read more ...

A munden palestinezët t’i çlirojnë izraelitët nga vetja e tyre? A është i mundur një vizion pluralist i Tokës së Shenjtë?

Wednesday, 06 December 2023 09:13

• Written by Shenja.TV

Shkruan: Besnik Sinani

A mundet Toka e Shenjtë të mirëpresë të gjithë ata që e njohin atë për të shenjtë? Në çfarë mënyre mund të imagjinojmë çlirimin e Jerusalemit dhe Tokës së Shenjtë nga sundimi nën struktura sistematike dhune? A mundet që aspiratat palestineze të realizohen edhe si një çlirim për izraelitët? Teksa këto pyetje janë mirëfilli politike, kjo është një përpjekje për të menduar përtej spekulimeve gjeostrategjike, me dëshirën të ofrojë në vend të tyre një reflektim modest historik dhe teologjik. Vetë emërtimi si “Tokë e Shenjtë” dhe roli në historinë e saj të të tre besimeve monoteiste, e bëjnë të pamundur çfarëdo kalkulimi politik që neglizhon dimensionin teologjik.

Read more ...

Colour Day Festival ose festa pagane hindu "Holi", mënyra e re tinëzare për të promovuar LGBT në rininë shqiptare!

Wednesday, 27 September 2023 23:00

• Written by Floriar Arapi

Nga: Floriar Arapi

Prej vitit 2018 në Tiranë ka filluar të festohet një festë, e cila quhet Colour Day Festival, ose shqip Festivali i Ditës së Ngjyrave. Kjo festë apo ky festival ka filluar të festohet me këtë emër edhe në Kosovë dhe prej vitit 2015 edhe në Greqi. Karakteristikë e kësaj feste është se të rinjtë, kryesisht adoleshentet e shkolles se mesme, mblidhen ne koncertet e organizuara nga bashkia e Tiranës dhe lyhen me bojra të ngjyrave të ndryshme.

Origjina e kësaj feste është feja idhujtare hindu në Indi. Ajo njihet me emrin “Holi” ose ndryshe Festivali i Ngjyrave, Dashurisë dhe Pranverës. Sipas besimit hindu ajo feston dashurinë e përjetshme dhe hyjnore të perëndisë Radha dhe Krishna dhe gjithashtu nënkupton triumfin e së mirës mbi të keqen pasi përkujton luftrat midis idhujve hindu dhe fitoren e njerit prej tyre, (Vishnu si Narasimha Narayana mbi Hiranyakashipu). Kjo festë nuk ka një ditë te caktuar fikse të saj, por festohet në pranvere, psh këtë vit në Indi aji u fesua ne datat 8-9 Mars, kurse tek ne, në datën 20 Maj.

Read more ...