Gazetari Spartak Koka ka zbuluar detaje nga situata brenda burgut të Peqinit. I ftuar në emisionin “Opinion” në Tv Klan, gazetari Koka ka thënë se bazuar në një raport, në burg kishte një palestër private të shtetasit me iniciale GJ.K., ku të burgosurit paguanin 100 Euro për t’u futur.
Ish-efektivi i policisë, Arbër Sula është dënuar me 6 vite e 8 muaj burg për vrasje nga Gjykata e Tiranës.Sula qëlloi me armë zjarri duke i shkaktuar vdekjen 29-vjeçarit Jurgen Duka, e gjitha kjo pas një sherri në marketin e lagjes për çështjen e radhës, ngjarje e ndodhur në vitin 2021.
Fermeri korçar, Thomai, është shprehur se mollët vendase të Korçës nuk po shiten, pasi sipas tij, po konkurrohen nga prodhimi që hyn nga Serbia. Përmes një lidhjeje me emisionin “Good Morning Albanians” në Euronews, Thomai tha se mollët nga Serbia hyjnë në Shqipëri me çmimin 70 lekë/kg, ndërsa mollët vendase, që fermerët të mos dalin me humbje, duhet të shiten të paktën me 90 lekë/kg. Ai tha gjithashtu se cilësia e mollës së Korçës nuk arrihet as nga ato të Greqisë, e as nga ato të Serbisë. Thomai i bëri apel shtetit që të ndërhyjë dhe të zgjidhë këtë situatë.
Çështja e kërcënimit të gjyqtares së Tiranës, Arnisa Këlliçi, mori një rrjedhë të paparashikuar. Prokuroria e Tiranës njoftoi të mërkurën se letra kërcënuese në adresë të familjes dhe fëmijëve të saj është shkruar nga vetë gjyqtarja.Prokuroria e Tiranës deklaroi për mediat se ka marrë të pandehur Arnisa Këlliçin, për “kallëzim të rremë” dhe “falsifikim dokumentash”.
Ish-zv.kryeministri, Arben Ahmetaj, ka nënshkruar një marrëveshje lobimi në SHBA me një lobist amerikan, i cili do të përfaqësojë interesat e tij dhe të partneres se tij, Erjola Hoxha.Marrëveshja mes tij dhe lobistit amerikan Edward Stewart është nënshkruar në 25 janar të këtij viti, teksa në të thuhet se lobisti do të ofrojë shërbime për çështjet publike dhe advokaci për Ahmetajn dhe partneren e tij.Në këtë rast, Ahmetaj nuk është treguar i kujdesshëm pasi ka zbuluar edhe vendndodhjen e tij.
