Vuçiqi ankesë Ramës, ma vodhi stilin e viktimizimit !
Rama njihet si një personalitet arrogant, fyes, përbuzës, vulgar, abuzues i fjalës së lirë, i paskrupullt ndaj mendimit të lirë e rivalëve, hipokrit, gënjeshtar, i padenjë e çka jo tjetër, kurse sot e mori rolin për të satën herë edhe të babait të kombit. O tempora e mores.
Po me qindra e qindra herë shqiptarët, përpos servilëve të tij dhe PS, ia kanë numëruar të zezat që po ia bënë kombit, si brenda vendit, po edhe Kosovës e viseve të tjera me shqiptar.
A ia vlen që tia numërosh veprimet edhe njëherë, nuk ia vlen. Të vërtetat ndaj tij po qarkullojnë çdo ditë nëpër mediat elektronike dhe të shkruara, portalet e vendit, Kosovës e diasporës.
Ajo që të bie në sy ishte viktimizimi për vendin dhe shqiptarët, sa herë që punët ngushtë, siç e bërë edhe kësaj here. Përndryshe nga ai janë mësuar shqiptarët të përbuzën deri në pikën më të ultë që mund ta bëjë dikush. E merrte rolin e mbretit, të diktatorit e të autokratit, tërësisht si Vuçiqi i Serbisë.
Nuk e gjunjëzoi shembja e Teatrit Kombëtar, nuk e gjunjëzuan ndjekjet nga drejtësia ndaj bashkëpunëtorëve më të ngushtë dhe tash së fundit nuk e gjunjëzuan as aferat milionëshe të Ballukut.
Po mburret me fillimin e bisedimeve me EU, pa u analizuar shkaqet se pse EU po ndërmerr hapa të tillë për Ballkanin. Llogaridhënies për korrupsionin dhe bllokimin e drejtësisë nuk i iket dot.
Llogaridhënies para Zvërneçit dhe shqiptarëve nuk i iket dot. Sa herë i është dashur ta mbroj karrigen e ka marr rolin e viktimës, njësoi sikurse Vuçiqi para serbëve duke e përdorë Kosovën për ta ruajtur pushtetin. Kësaj here Rama me viktimizimin e tij, shumë lehtë, mund të mbetet lakuriq. Akuzat ndaj opozitës, akuzat ndaj Kosovës e Kurtit, mbrojtja e Vuçiqit e Serbisë para shqiptarëve e perëndimi, kurse tash aferat nga njerëzit e tij të kabinetit, të cilat nuk janë as të parat e as të fundit, do të marrin fund njëherë.
Partia Socialiste, me propagandë e ideologji staliniste, vetëm sa e ka „modernizuar” diktaturën e Enver Hoxhës. Këtij modernizimi i ka prirë pikërisht Rama, i cili pa kurrfarë turpi po e përdhosë të ardhmen e Shqipërisë, duke e plaçkitur pasurinë e shqiptarëve, duke ua grabitur po ashtu edhe pasurinë gjeneratave të ardhme. Kjo është çështja për të cilën Rama sot gjunjëzohet para shqiptarëve që ta marr rolin e viktimës, gjoja se po lufton për arritjet e Shqipërisë. A ka më turp se kur antikombëtari i viktimizuar, e merr rolin e babait të kombit.