SPAK fundos ish-drejtorët e Lalit: 39 vite burg për dosjen 5D!
Prokuroria e Posaçme kundër Korrupsionit dhe Krimit të Organizuar (SPAK) paraqiti sot pretencën për disa nga të pandehurit e dosjes “5D”, duke kërkuar në total 39 vite burg.
SPAK kërkoi 11 vite burg për Redi Mollën, 9 vite për Mariglen Qaton dhe 4 vite për Taulant Tushën. Po ashtu, u kërkuan 7 vite burg për Nestor Muhametllarin, nga 3 vite heqje lirie për Enton Punavijën dhe Julian Zanajn, si dhe 2 vite për Albano Jankun.
Redi Molla dhe ish-drejtorët e Bashkisë së Tiranës, Mariglen Qato dhe Taulant Tusha, u arrestuan në mars 2024 me urdhër të SPAK, në kuadër të hetimeve për dosjen “5D”, nën akuzat për korrupsion dhe shkelje të barazisë në tendera. Hetimet kanë përfshirë zyrtarë të lartë dhe biznesmenë të dyshuar për afera financiare dhe procedura të dyshimta prokurimi.