Arrestohet mësuesi i fizkulturës në Vlorë, e denoncuan 7 vajza për ngacmime seksuale brenda në shkollë
Saturday, 07 November 2026 10:23
Vlorë – Një mësues i fizkulturës në Vlorë është nën akuzë për abuzim seksual me fëmijë të mitur.
Policia lokale tha se u ndalua shtetasi A. A., 35 vjeç, banues në Vlorë, mësues i edukimit fizik. Noa.al mëson se akuzat janë bërë nga disa vajza nën moshë nç shkollën e bashkuar të Selenicës në Vlorë.
Policia konfirmoi se prangosja e të riut erdhi "pasi kanë kallëzuar 7 nxënëse të kësaj shkolle, të moshave 14–17 vjeçe, se ky shtetas i ka ngacmuar seksualisht në ambientet e shkollës".
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.