Goditje për Pentagonin! - Sulmet iraniane shkaktuan miliarda dollarë dëme në bazat ushtarake amerikane në Lindjen e Mesme
Një raport i NBC News zbulon se sulmet iraniane kanë shkaktuar miliarda dollarë dëme ndaj aseteve ushtarake amerikane dhe bazave të SHBA-së në rajonin e Gjirit.
Duke cituar burime të informuara, rrjeti televiziv amerikan raporton se pistat ajrore, sistemet e avancuara të radarëve, dhjetëra avionë, magazina, qendra komanduese, hangarë dhe infrastruktura e komunikimeve satelitore janë goditur në sulme që përfshinë disa vende të Lindjes së Mesme.
Sipas këtyre burimeve, vetëm kostot e riparimit mund të arrijnë deri në 5 miliardë dollarë, pa përfshirë shpenzimet për rikthimin në funksion të radarëve, armëve, avionëve dhe pajisjeve të tjera që janë dëmtuar rëndë ose janë shkatërruar plotësisht.
Mes objekteve të prekura ishte edhe baza Camp Buehring në Kuvajt, ku dëmet e para u raportuan ndaj një avioni iranian F-5 gjatë ditëve të para të luftës.
Lokacione të tjera të goditura përfshijnë bazat Al Dhafra dhe Al Ruwais në Emiratet e Bashkuara Arabe, bazën ajrore Prince Sultan në Arabinë Saudite, bazën ajrore Muwaffaq Salti në Jordani, si dhe objekte magazinimi dhe porte në Kuvajt.
Gjithashtu, ndërtesa kryesore e Marinës Amerikane në Bahrein ka pësuar dëme të konsiderueshme. Vetëm riparimi i selisë së Flotës së Pestë amerikane vlerësohet të kushtojë rreth 200 milionë dollarë, pa llogaritur dëmet në të paktën dy sisteme të mbrojtjes ajrore.
Një vlerësim i jashtëm nga American Enterprise Institute ka konstatuar se forcat iraniane goditën edhe bazën ajrore Ali Al Salem në Kuvajt, një pistë në bazën ajrore Al Udeid në Katar, si dhe një depo municionesh në veri të Irakut.
Raporti vjen në një moment tensionesh të larta në rajon, ndërsa përmasat reale të dëmeve ndaj pranisë ushtarake amerikane po dalin gradualisht në dritë.