Irani godet dhe i vë flakën anijes izraelite në Ngushticën e Hormuzit
Sunday, 05 April 2026 17:34
Garda Revolucionare e Iranit ka njoftuar se ka sulmuar me dron një anije në Ngushticën e Hormuzit që, sipas tyre, është e lidhur me Izraelin, duke shkaktuar zjarr mbi anijen.
Komanda e Marinës së Gardës Revolucionare raportoi përmes platformës X, duke shkruar: “Anija MSC Ishyka, e cila është e lidhur me regjimin sionist, ishte objektivi i sulmit me dron dhe u përfshi nga flakët”.
Sipas burimeve, MSC Ishyka është një anije kontejnerësh me flamur liberian. Ngushtica e Hormuzit, një nga rrugët më të rëndësishme detare për transportin global të naftës, ka qenë shpesh pikë tensioni mes Iranit dhe vendeve perëndimore.