Vendosnin koka derrash pranë xhamive në Paris, arrestohen 11 serbë
Wednesday, 01 October 2025 09:11
Policia serbe ka arrestuar 11 persona të dyshuar për nxitje urrejtjeje në Francë dhe Gjermani.
Sipas Ministrisë së Brendshme, shtetasit serbë vepronin nën udhëzimet e një personi tjetër të lidhur me një shërbim të huaj inteligjent, i cili është ende në arrati.
Grupi akuzohet se kishte për qëllim përhapjen e urrejtjes dhe dhunës mbi baza fetare e racore.
Në fillim të shtatorit, ata vendosën nëntë koka derrash pranë disa xhamive në Paris dhe rrethinat e tij, duke shkaktuar indinjatë në opinionin publik.
Të dyshuarit do të dalin para gjykatës për akuza që përfshijnë diskriminim racor dhe spiunazh. Arrestimet u kryen në Beograd dhe në Velika Planë, në bashkëpunim me shërbimet e sigurisë.