Rusia e njeh Karabakun si territor të Azerbajxhanit
Rusia e ka njohur zyrtarisht Karabakun si territor të Azerbajxhanit, deklaroi zëdhënësja e Ministrisë së Jashtme ruse, Maria Zakharova, për agjencinë TASS, pas deklaratave kontroverse të një zyrtari në Moskë.
"Rusia e njeh zyrtarisht këtë rajon si territor të Azerbajxhanit," tha Zakharova. Më herët, ndihmësi i presidentit rus, Vladimir Medinsky, ishte kritikuar për komentet e tij mbi dimensionet historike, shoqërore dhe kulturore të situatës në Karabak.
Ministria e Punëve të Jashtme të Azerbajxhanit kritikoi Medinskyn, i cili ishte negociatori kryesor i Rusisë në dy raundet e fundit të bisedimeve me Ukrainën pasi ky i fundit e quajti rajonin "një tokë e kontestuar midis Armenisë dhe Azerbajxhanit".
Zakharova theksoi se Medinsky "komentoi ekskluzivisht për tragjedinë e konfliktit të armatosur", duke paralajmëruar që të mos "nxirren mesazhe që nuk ekzistojnë apo të keqinterpretohen fjalët".
Marrëdhëniet midis Baku dhe Jerevanit kanë qenë të tensionuara që nga viti 1991, kur ushtria armene pushtoi Karabakun, një territor që njihet ndërkombëtarisht si pjesë e Azerbajxhanit, dhe shtatë rajone përreth tij.
Në vjeshtën e vitit 2020, Azerbajxhani çliroi disa qytete, fshatra dhe vendbanime nga pushtimi armen gjatë një lufte 44-ditore.
Lufta përfundoi me një armëpushim të ndërmjetësuar nga Rusia dhe nisën bisedimet për normalizimin e marrëdhënieve./trt